* Startseite     * Archiv     * Gästebuch     * Kontakt     * Abonnieren




Webnews







Exame

hoi zäme,

mann ben ech froh das d exame ändlech verbii send.

ech be eini vo de einzige schüeler gsi wos gschafft hed 4 exame zha. das heisst dass ech alles akademischi fächer gwählt ha. nögscht (oder besser das) semester han ech denn aber wenigstens nor mathi als akademischs fach.

i kanada muss mer am ändi vom johr en art en abschlossarbet schriibe. die so genannte summatives. die send 10% vo dinere note. 20% send d exame wo zwösche 1.5 ond 2.5 stonde gönd. 1.5 send glaubs nor franz immersion ond 2.5 send vorallem d exame för d 12. klässler. bi dene zelleds au 25% ond d summativies nor 5%.

ech ha am donnstig (24.1.08) änglisch gha. ech ha mösse es buech nomol läse ond grammatik. das esch eigentli alles gsi. de erschti teil esch äbe grammatik gsi was ech eifach fende well ech das meistens sofort begreffe ha ond de grössti part esch en 5-paragh-essay gsi (ufsatz). ond denn am schloss no textverständnis. also ned sehr schwerig. i mim summative hemmer mösse en report öber es land mache. 3 mol döfid er rote öber welles land das ech gschrebe ha. notürli öber d schwiiz.

am mäntig (28.1.08) han ech denn geographie gha. ech glaub das esch s schwerigste fach gsi well mer so vell hend mösse lehre. d exame sälber esch denn gar ned so schwerig gsi. ech ha dänkt das ech mega schlecht gsi be i mim essay aber de lehrer hed mer denn am nöchschte tag gratuliert das ech so guet gsi be. won ech gseid ha dass aber min essay mega schlächt sig well ech eifach wiiter ond wiiter gschrebe ha well ech 2 site brucht ha hed er gseid dass er das scho gmerkt heig aber er heig au gmerkt dass ech werkli weiss om was das es gange esch.
i mim summative han ech mösse e tour dor 5 kanadischi ecozone plane. mendistens 7 täg. das esch au no mega vell arbet gsi. aber es hed sech glohnt. ech ha en glatte 6er öber cho. etz han ech i geographie die 2. bescht note i de klass. e grosse abschnett esch aber kanadischi topographie gsi. aber voll ned schwerig.

am zischtig (29.1.08) hane ch denn science gha ond das esch s einzige fach won ech ned weiss öbs guet glaufe esch oder ned. ech ha zwor s gfühl gha das es eifach gsi esch aber trotzdem. ech weiss scho 1 oder 2 ufgabe won ech secher mendistens halb falsch ha.
i dem summative hemmer mösse met em ticker tape mässe wie lang das es god bis es autöli e rampe abe fahrt ond wie das d gschwendigkeit wächslet. ech weiss ned gnau wies uf dütsch heisst aber in änglisch esch es acceleration. denn hemmer mösse d gschwendigkeit ond so wiiter usrächne ond 2 graphe (?) zeichne.
(ech glaub ech muss ine dütsch als fremdsproch kors wenn ech weder hei chome. ech vergesse emmer meh ond meh wörter)

am mettwoch han ech denn no franz gha ond das esch zemli eifach gsi. die meiste pönkt send för grammatik gsi ond froge öber gschechte wo mer gläse hend.
im franz summative han ech mösse öber en bekannti person schriibe ond es interview mache wo mer hend chönne d froge met helf vo fakte wo mer gwösst hend beantworte. das esch au no zemli eifach gsi.

also glg,
vanessa

PS: etz god aso mis ustuschjohr nömm so lang wies scho gange esch.

1.2.08 20:57
 


bisher 3 Kommentar(e)     TrackBack-URL


Mami (2.2.08 12:05)
Aaaaaalso:
En Füürplatz esch es Cheminée!
Acceleration = Beschleunigung
Graph = Kurve

Es macht mer aso scho fascht e chli Angst, wie schnell du alles vergessisch

Ech hoffe, du vergessisch eus alli do i de Schwiz ned so schnell.

Ech gratuliere der aber natürli zo dine tolle Exame.

Ech wönsch der au en tolle 2. Teil vo dim Ufenthalt. D Zit got so schnell ome. Gniess es!

Liebi Grüess


Papi (6.2.08 18:48)
hehe, das send aber gueti Nochrichte ..... accleration hätte sogar ech uf dütsch gwösst
Machs guet und liebi Grüess
Papi

PS: Vellecht gets en Ottawa e Migrosklobschuel wo dütsch abietet


Papi (28.2.08 21:58)
Zitat Vanessa "3 mol döfid er rote öber welles land das ech gschrebe ha. notürli öber d schwiiz." hehe, do you mean SWEDEN or SWITZERLAND

Gruess Papi

Name:
Email:
Website:
E-Mail bei weiteren Kommentaren
Informationen speichern (Cookie)



 Smileys einfügen



Verantwortlich für die Inhalte ist der Autor. Dein kostenloses Blog bei myblog.de! Datenschutzerklärung
Werbung